miércoles, 25 de noviembre de 2015

25N_#CulleredoPoloBoTrato. Entrega de Premios.

Un ano máis reunímonos na Biblioteca do noso centro para compartir experiencias e aportacións na loita de todos contra a violencia de xénero. Nesta ocasión tamén se recoñece o traballo, sensibilidade, esforzo e divulgación que o noso alumnado amosou cas súas curtas e cuñas que podedes desfrutar neste artigo publicado fai uns días.

A realidade imponse e o certo é que esta problemática, ó igual que outras, trátase a maioría das veces na data sinalada para a súa conmemoración, celebración ou recordo. E non está mal, pero o problema non se arranxa lembrando ós que non están senón educando ós que veñen detrás para que non cometan os mesmos erros. Actuacións municipáis coma este III Concurso escolar de vídeos e cuñas "Polo Bo Trato" contra a violencia de xenero, atopando a implicación da comunidade educativa, son a mellor semente para unha sociedade participativa, implicada e respectuosa consigo mesma.

A Educación vai máis aló do manexo de ferramentas como a palabra, do coñecemento de feitos e contidos, debe chegar ó que se fai con eles. Debe importarnos máis a intencionalidade que hai tras unha mensaxe que a mensaxe en sí mesma, porque as palabras, os coitelos, as armas, as RRSS non son o problema, o problema está en quen as manexa e faino segundo a súa madurez persoal, a súa educación, as súas experiencias, a afectividade recibida. Por unha educación emocional e das persoas non demonicemos ó mensaxeiro nin ás ferramentas, eduquemos no uso responsable, no respecto mútuo e na implicación colectiva nunha vida en sociedade.

Un pouco a cabalo do dito e para rematar esta presentacion do acto de entrega de premios vou recomendarvos o visionado deste vídeo realizado por TRAFEGANDO RONSEIS para a conmemoración do 25N do 2014:


Non vos entreteño máis, aí vai o meu resume do acto de recoñecemento a un colectivo de persoas coas que me sinto orgulloso de traballar e, xa de paso, trasladarvos as máis calurosas felicitacións de parte da organización.

martes, 24 de noviembre de 2015

25N_2015 #CulleredoPoloBoTrato en contra da Violencia de Xénero

Un ano máis chega o día de amosar o traballo e a implicación do alumnado de Culleredo no tratamento dun tema tristemente de actualidade, se cadra este ano máis triste polas novas relacionadas con esta lacra social dos últimos días.

Pouco podemos facer nós pola xeración dos pais dos nosos alumnos porque, aínda que as políticas de axuda e as leis son necesarias, só coa educación corrixiremos a inercia dun comportamento xeralmente machista e, cando menos, de dominación dunhas persoas sobre outras, normalmente por carencias afectivas e de autoestima.

É nesta etapa adolescente onde as persoas constrúen a súa personalidade e seméntanse os comportamentos que poden derivar nas imaxes que asociamos cando escoitamos falar deste tema.
A Educación, sobre todo a emocional, será a mellor das estratexias na loita contra a violencia de xénero.

E é aquí onde o Concello de Culleredo, entre outras actuacións, quere sementar a tolerancia, o respecto e a concienciación na nosa xuventude fomentando a implicación e creatividade con este III Concurso Escolar de Vídeos e Cuñas "Polo Bo Trato" contra a Violencia de Xénero.



E con estas premisas prantexamos o noso proxecto educativo titulado "Nin pecho os ollos nin quero ser espectador. Implicándome" e así o presentamos:

Á hora de comezar un novo proxecto é necesario sentilo como propio, concienciarse, e logo atopar a inspiración para desenvolver o noso proxecto divulgativo, a nosa aportación ou, simplemente, o noso traballo.

Para o primeiro punto convén atopar aqueles recursos coa forza necesaria para facernos reaccionar e para o segundo ollar cómo o fixeron outros antes ca nós, pero conservando a creatividade persoal para non facer máis do mesmo, inspirar e non copiar.



Publicado el 13 feb. 2013
"The Order of Things" (2010)
A short film by the Alenda Brothers - Un cortometraje de los Hermanos Alenda, protagonizado por Manuela Vellés, Mariano Venancio, Javier Gutiérrez y Biel Durán. 
Nominado al Premio Goya 2011 - Mejor Cortometraje de Ficción.



Se cadra o formato vídeo-cómic che resulte máis atrainte:




Moitas veces ocorre que unha aportación vosa é fonte inspiradora para outros, o caso que máis coñezo é o desta "carta a un maltratador" que derivou, entre outros, neste vídeo do Centro Guadalinfo de Freila, ou mesmo esta "carta a mi maltratador" dunha xove de 20 anos.



A modo de inspiración convén ver o que fixeron outros compañeiros, neste caso noutros centros:




E tamén o que se fai no Blanco Amor, nesta ocasión na edición 2014, 18 vídeos:



e ti?  Implícaste?

Pois parece que sí. Vexamos a participación no 2015:







Este ano tamén melloramos a nosa colaboración coa difusión vía Twitter das nosas mensaxes acompañándoas dunha imaxe. Clica na captura inferior para acceder ó taboleiro colaborativo en Pinterest.
Ligazón ó taboleiro en Pinterest. Precísase estar rexistrado. Abre en xanela nova.